هابتدي الحكايه من اولها
ودي قصتي انا شخصيا" ومش مكسوفه منها ابدا" بل بالعكس انا متشرفه جدا بيها ولله الحمد
انا كنت ملتزمه مبقاليش سنه وجاني عريس من اكبر عائلات البلد الي انا عايشه فيها وطبعا وفقت والحمدلله المهم ان العريس كان اصغر مني وانا طبعا لأني ملتزمه مكنتش بشوفه وهو ده كان اتفقنا كان ساعات يكلمني في التليفون في حضور حد من اخواتي المهم انا عملت استخاره وجدت في الاستخاره (رمز لاسم ) في السماء والمهم اني كنت راضيه بيه بس بصراحه مش متصوره اي مستقبل .المهم كان لي جار بيدور علي عروسه وسبق واخته مهدت لي وانا رفضت المبدأ لانه في نظري مش ملتزم وكان ليا صديقه عزيزه عليا قوي اعجب بيها بس امه واهله مكنوش راضيين بيها وكان ماشأء الله عليه بأين عليه العز فلوس موبيلات عربيات طبعا الحاجات متغرنيش
وبعديها بكام يوم عرفت انه هايخطب لكن اهل البنت مش راضيين بيه المهم طلب بنت تانيه كانت ساكنه قريب مننا راحوا يشتروا الشبكه العروسه نقت شبكة طلعت غاليه قوي وبعدين جت اخته ومامته قعدو يحكولنا وانه بنت مفيش احسن من كده وانها مؤدبه وانا الوحيده الي عارفاها انها سهنه وبترسم علي الناس كلها
المهم انا زعلت كأنهم جايين يقولوي أنها أحسن مني المهم وروني الشبكه وروحو انا معرفش ايه الي جرالي
كنت هاموت طبعا انهارت ومش عارفه ليه خدوني اهلي خرجوني علشان اغير جو الكلام ده بعد اهلو ما مشيو علي طول وصل بيا الحال لدرجه محدش يتخيلها اني كمان وشي ورم من كتر العياط وعنيه مبقتش بينه وكل الجيران في الطالعه والنازله يقولولي مالك زي مايكون حاسيين بحاجه المهم اختي وجوزها خدوني معاهم علشان نتفسح اتصل بيا خطيبي الي انا نسيت اني مخطوبه له
وقالي انتي فين الساعه دلوقتي واحده قلتله انا مع اختي وجوزها هاكون فين يعني قالي نعم ياروح امك ايه ايه روح امي انا قالي انتي مش عايزه راجل لا انتي عايزه حمار تركبيه لقيت نفسي بقولة ياسافل المهم قفلت وتاني يوم جالنا البيت انا مسكتش الكلمه ضيقتني قوي ازاي يقولي كده
المهم قعد يقولي معلش حقك عليا انا قلتله انت تقولي انا ياروح امك
طبعا الكلمة دي واحنا مخطوبين اما لما نتجوز هايقولي ايه
معرفش ايه الي حصل خلاني بقيت مش عايزاه بعد كده سمعت زغريد وهيصه وشويه وسكتت خالص رحت عند العروسه السهنه لقيتها قاعده هاتقطع نفسها من الغيظ قلتلها مالك وكنت دخللها ببرواز انا عملاه من الخرز فيه بنت . قالتلي البنت الي في البرواز عنيها مدوره ومقوره زيك
والله الكلمه دخلت قلبي خنجر قطعتني ومشيت من عندها دموعي علي خدي ميته من العياط رحت عند اخت العريس قلتلها في ايه مالها العروسه ردت قالتلي اصل اخويا من امبارح قافل موبيله
المهم اني عرفت ان العريس مش عايز العروسه وخلاص
حسيت في حاجه نقصاني لاني لاول مره مشفهوش الصبح ولان الناس كلها عرفت الحقيقه انا هاقولها وامري الي الله انا بحب الشخص ده ولاني التزمت فقررت ان مفيش حاجه اسمها حب ولاكلام فارغ بس الحلم الي انا حلمته في الاول كان الرمز الي في السماء لاسمه وانا والله حاسه ان كل حاجه بتتحرك لصالحي تاني يوم لقيت الباب بيخبط مين جارتي اخته في ايه قالتلي قبل ما نرجع الشبكه تحبي تبقي بتاعتك
قلت لا
كبريائي لا ابدا المهم
االمهم خمس مرات يجيبو الشبكه وانا ارفض علشان صعبان عليا الموقف ازاي اخد شبكتها الي هيه منقيها بس ده انا بحبه قوي المهم هوا جه عندنا البيت ولان احنا الاتنين عايشين في بلد غريب غير بلدنا وعلشان هما جيرنا قوي فهوا كلم اخواتي وقلهم ان بسبب دموعي الي شافها مقدرش يرد علي تليفونات العروسه التانيه جم اخواتي قالولي انه بيحبني مبأتش عارفه اعمل ايه اوافق ولا ايه المهم جه هوا وقالي سمعت انك سبتي العريس صحيح قلتله ايوه وصحيح انك مش عايزه وعادي لو انك متجوزتيش واحد شيخ وملتزم
طبعا انا مش عارفه ارد بغير اه
المهم قالي يلا قوللهم انك موفقه وانا هاسافر وارجع نعمل الخطوبه هوا من النوع الي بيكسف ولانه ميعرفش يقول ايه في المواقف دي وولده متوفي ومامته رجعت تاني ومش هاتيجي الا اذا هوا حدد الفرح لان السفر والحجز مش سهل المهم خدني انا وماما رحنا نجيب الشبكه اخترت حاجات بسيطه وقلتله انهم عجبني وفرح لما لقاني عملت كده وقالي لا خدي الي انتي عايزاه بس انا مش عايزه دهب ولان ماما عمرها ماهاتسمح باني اشوفه وقت الخطوبه قررنا نكتب الكتاب بعد الخطوبه بيومين ولاني معايا جنسية البلد الي احنا عايشين فيها وهوا لا رحنا السفاره بعد الخطوبه واتبهدلنا علي بال ماكتبنا الكتاب فضلنا شهر عند خالي وشويه فندق وبهدله ما بهدله ولان السفاره في بلد تانيه غير الي احنا ساكنين فيها
كل مانروح السفاره يقولوا اصل الورق لسه ماوصلش نعمل ايه كل ورقه بفلوس صرفنا اكتر من 10000 مصري بعد كده الفلوس الي معاة خلصت لانه مكنش بيخلي اخواتي يدفعوا حاجه ولا ماما وهوا كان لوحده لان اخته كانت ولده ومتقدرش تيجي معانا فقال ان جوز اخته هايبعتله فلوس فعلا بس حاجات بسيطه المهم ان احنا فوجئنا ان جوز اخته جه وقاله بلاش يتجوزني مدام الموضوع كده وانه يعرف واحده تانيه تقدر تديله الاقامه والجنسيه انا عرفت وكنت هاموت بس انا دايما اصبر علشان انول الاحسن
المهم انا كنت منهاره قالي بس اسكتي متعيطيش ومش لاني ابويا متوفي هاضيع لا ربنا موجود الحمد لله لقيته وقف وقالي لو مين اعترض هانتجوز يعني هانتجوز المهم تم الكتاب بس بعد معاناه ولان مفيش مكان ندخل فيه اجرنا شقه واخته وجوز اخته معاة كل الفلوس الي المحروس جايبها معاه وقاله انه صرف الفلوس كلها عليه في الفتره قبل مايخطب وخد فلوس الشبكه في كرشه الله يسامحه بعد كده اجرنا الشقه بفلوس بسيطه وكانت بعيده واتصل بامه قالها ميعاد الفرح وكانت الفيزا بتاعتها لسه منتهتش وسألتنا انتو عايزيين ايه من هنا قلتلها هاتي وهاتي وهاتي جت بالسلامه وتحسب ان الفلوس لسه موجوده وجوز اخته مضحكش عليه اول ما عرغت جالها شلل
وسكر من القهره وبعدين طبعا طلعت عيني وقرفتني في عشتي الحمدلله حددنا الفرح وكان كتب كتاب اختي مع فرحي قبل الحنه المهم عملت اختي الشبكه وكتب الكتاب بتوعها ولان الي نعرفهم ساكنين بعيد شويه جم شبكة ومجوش فرحي اكتشفت ان الحنه مفيش غير اخواتي واتنين تلاته اربعه او خمسه مش فاكره الي انا فاكره اني مكنش عندي غير اوضة النوم في الشقه واشتريناها بالقسط وماما الي سلفتنا المقدم مسألتوش يعتي منين الفستان بتاع الحنه
فستان الحنه ده من عند ربنا واحده زميلة اختي في الشغل ادتهولها مجاش علي اختي جه عليا يوم الحنه بالظبط لقيته في الاوضه
الحمدلله كان في شوية ناس في الحنه لابأس بيهم
بس انا علي بال ماتزوقت ولقيت الفستان كانو مشيو
الاطفال جيرانا اتلمو عملولي حنه حلوه
المهم
انا طبعا اهم حاجه عندي اني اروح تان بيتي وخلاص مش فارقه معايا وطبعا حماتي مش بتكلم بنتها علشان اللي حصل يبقي هتنام فين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طبعا" عند العروسه ليلة الدخله عادي عادي عادي عادي
يوم الفرح الصبح اتخنقت مع اختي علشان بتبخر الشقه عنيك ماتشوف الا النور هابت هنا يعني هابات هنا ياستي يهديكي يرضيكي ابدا اليله الليله يعني الليله (جت الحزينه تفرح ملقتلهاش مطرح)
كلمه من هنا ومن هنا بس اخواتي بيفرشو السجاجيد الي انا اشتريته يوم الحنه وكان حاجه بسيطه مشيتين كبار وواحده مدوره وحتتييت ستاير من عند واحد تركي المهم قضيناها انا في الكوفير واخواتي في الشقه وحماتي في الشقه معاهم معرفش بيعملوا بس المهم انهم اتخنقو هما مع بعض وحماتي خلاص كده انا في الكوافير عرفت ان حبيبي اللي هو جوزي انه حلف ان امة تسافر ومتحضرش اي حاجه فعلا راح يدور لها علي حجز زي مايكون مستنيهم مفيش غيره ليهم مع السلامه باااي
خلاص روحنا البيت لان المكان الي احنا فيه بعيد عن المدينه بعد زفه بالعربيات حلوه الحمدلله روحنا ملقناش امبوبه غاز والاكل الفراخ طارت محناش عارفين مين كلها تمت بحمد الله ودخلنا رحت لقيت تلفزيون صغير الحمدلله وتلاجه لووووووووووووووووووو لي
مفيش طبعا هدوم جديده البسها علشان اخرج اعمل ايه اي حاجه محدش يعرف حد الحمدلله بحبه ممكن استحمل اي حاجه علشانه رحت زرت ماما وبعديها بشويه كام يوم الفلوس خلصت بعت طبعا جزء كبير من الشبكه وهو طبعا كان بيصلي ليل نهار علشان ربنا يبعتله شغل
اختي لقيتله شغل بس بسيط مش بالشهاده بتاعته بس الله غالب الحمد لله شويه شويه اتثبت عرف اللغه كويس اتعامل علي هذا الاثاث نقلنا شقه كبيره اشتري صالون قسط بس اصلا غالي وشويه شويه تلفزيون كبير بعد كده مسك في مكان كويس في بعد كده مبقأش ناقص الفيلا حاجه بدل الحاجه اتنين وجددت العفش والاجهزه كل ده 5 سنين ودلوقتي هوا في مكان كويس قوي بياخد مرتب كبيروعربيه الحمد لله ورجعنا استاهل ايه بقا عندي ولد زي القمر ربنا يخليهولي ??? احكوا رايك فى هاى ؟؟؟ انتوا حتعملوا متلها
الجمعة مايو 24, 2013 6:50 am من طرف 
